МСБХ-ий Үндэсний Дээд Лигийн 2024-25 оны улирал эхлэхэд цөөн хоног үлдээд байна. Үндэсний Дээд Лигийн шинэ улирал аравдугаар сарын 12-нд хөшгөө нээнэ.
Шинэ улиралд эмэгтэй 6, эрэгтэй 10 баг “UG Arena”-ийн дээвэр дор нэгийгээ үзэх юм. Энэ жил МСБХ-ны Үндэсний Дээд Лигийн 30 жилийн ой тохиох, онцлогтой улирал биднийг хүлээж байна. Хамгийн анхны Дээд Лиг 1994 онд зохион байгуулагдаж байсан түүхтэй буюу энэ улиралд 30 нас хүрэх аж.
Монголын сагсан бөмбөгийн үе үеийн тамирчид,багш дасгалжуулагчид, үзэгч хөгжөөн дэмжигчид, шүүгч болон албаны бүх хүмүүст тэгш ой тохиох 30 дахь улирлын мэндийг дэвшүүлье.
