МСБХ-ий Үндэсний Дээд Лигийн 2024-25 оны улирал ирэх бямба гарагт эхэлнэ. Шинэ улиралд эмэгтэй 6, эрэгтэй 10 баг “UG Arena”-ийн дээвэр дор нэгийгээ үзэх юм. Энэ жил МСБХ-ны Үндэсний Дээд Лигийн 30 жилийн ой тохиох, онцлогтой улирал биднийг хүлээж байна. Хамгийн анхны Дээд Лиг 1994 онд зохион байгуулагдаж байсан түүхтэй буюу энэ улиралд 30 нас хүрэх аж.
Улирлыг нээж BCH Knights, Darkhan United багууд бямба гаригийн 13:30 цагаас тоглоно. Үргэлжлүүлэн эмэгтэй лигийг нээж Khuleguud, UB Amazons багууд тоглоно. Эл өдрийн сүүлийн тоглолт 18:40 цагаас Khuleguud, Bishrelt Metal багуудын хооронд болох юм.
