Нийслэлийн Онцгой байдлын газрын Гал түймэр унтраах, аврах ангийн салааны захирагч, салааны захирагчийн туслах нарын нэгдсэн сургалт өнөөдөр /2024.10.29/ эхэллээ.
Сургалтын үйл ажиллагааг дарга, хурандаа А.Дашням нээж, алба хаагчдад хандан гал түймэр унтраах үеийн ажиллагаа, бие , сэтгэлзүйн тэсвэр тэвчээр, даван туулах чадвар, нийслэлийн хэмжээнд гарч буй гал түймрийн нөхцөл байдал, анхаарах зарим асуудлын талаар үүрэг чиглэл өгч, сургалтад амжилт хүслээ.
Сургалтын хүрээнд алба хаагчдын манлайлал, мэргэжлийн ур чадвар, хууль, эрх зүйн мэдлэг, өдөр тутмын үйл ажиллагааны гүйцэтгэл, үр дүн, албаны бэлтгэл, бэлэн байдлыг дээшлүүлэх зорилгоор энэ удаагийн сургалт танхим болон дадлага хэлбэрээр зохион байгуулагдана.
Сургалт гурван өдөр үргэлжлэх бөгөөд НОБГ-ын 70 гаруй алба хаагч хамрагдаж байна.
