Шүүхийн шийдвэр гүйцэтгэх ерөнхий газрын харьяа “Соёмбо” чуулгын уран бүтээлчид нийгмийн хариуцлагын хүрээнд бага насны хүүхдүүдэд урлагийн боловсрол олгох, Монгол үндэстний соёл урлаг, зан заншлаараа бахархах үзлийг төлөвшүүлэх, тэдний асран хамгаалагчдын сэтгэлзүйг дэмжих зорилгоор Нийслэлийн хүүхдийн сэргээн засах “Бяцхан Тэмүүлэл” төвд “Маргаашийн нар” нөлөөллийн аяныг зохион байгууллаа.
Аяны хүрээнд “Соёмбо” чуулгын уран бүтээлчид урлагийн тоглолт зохион байгуулсны зэрэгцээ тус чуулгын бүжгийн багш, Урлаг судлалын ухааны доктор, ахмад Б.Мөнгөнцэцэг “Монгол өв соёл бидний бахархал” сэдвээр лекц уншлаа.
