Хятадын Олон Улсын Импортын долоо дахь удаагийн экспогийн үеэр Хятад-Монголын “Замын-Үүд –Эрээн боомтын эдийн засгийн хамтын ажиллагааны бүсийн хамтарсан хөрөнгө оруулалтыг дэмжих чуулга уулзалт боллоо.
Чуулга уулзалт "Ашигтай хамтын ажиллагаа - Хятад-Монголын эдийн засгийн хамтын ажиллагаанд шинэ хуудас бичих нь" гэсэн уриатайгаар болсон бөгөөд ӨМӨЗО-ны дэд тэргүүлэгч Ян Жинь, Монгол улсын шадар сайд С. Амарсайхан болон бусад төрийн, бизнесийн байгууллагын 500 гаруй төлөөлөгчид оролцов.
Чуулга уулзалтын зорилго нь Хятад-Монголын эдийн засгийн хамтын ажиллагааны бүсийг бүрэн хэрэгжүүлж, хөрөнгө оруулалтыг дэмжих ажлыг зохицуулж, хамтын ажиллагааны бүс дэх Хятад, Монгол Улсын байршлын давуу тал, нөөц баялгийн хүртээмж, үйлдвэрлэлийн бүтэц, бодлогын давуу тал, бизнесийн орчинг сурталчлахад чиглэсэн юм.
Чуулга уулзалтаар хөрөнгө оруулагчдад чөлөөт бүсийн төслүүдийг танилцууллаа. Мөн хоёр орны аж ахуй нэгжүүд Хятад-Европын ачааны галт тэрэгний импорт, экспортын барааны агуулах, авто зам, төмөр замын тээврийн гаалийн хяналт шалгалтын бондын төв төслийн хамтын ажиллагааны гэрээ, Цөлжилтөөс урьдчилан сэргийлэх, хянах, салхины эрчим хүчний төсөл, Хятад-Монголын эдийн засгийн хамтын ажиллагааны бүсийн жилд 30000 тонн өндөр цэвэршилттэй кварцын элс үйлдвэрлэх төсөл, Эрээн хотын Хуань юй олон улсын ложистикийн паркийн хоёрдугаар үе шатны бүтээн байгуулалтын төслийн хамтын ажиллагааны гэрээ, Хятад-Монголын эдийн засгийн хамтын ажиллагааны бүсийн худалдааны цогцолбор барих төслийн хамтын ажиллагааны гэрээ, Хилийн эдийн засгийн хамтын ажиллагааны бүсэд импортын морь нядалгаа, боловсруулах төслийн хамтын ажиллагааны гэрээ, төмрийн хүдрийн худалдааны захиалга, нүүрсний худалдааны захиалга, 100,000 тонн жимс, хүнсний ногооны худалдааны захиалга, гэр ахуйн цахилгаан хэрэгслийн экспортын худалдааны захиалгын гэрээ зэрэгт гарын үсэг зурлаа.
