Барселона хөлбөмбөгийн клубийн Ерөнхийлөгч ноён Жоан Лапорта Монгол Улсад хүрэлцэн иржээ. Түүнийг Соёл, спорт, аялал жуулчлал, залуучуудын сайд хүлээн авч уулзжээ. Уулзалтын үеэр Барселона клубийн мэргэжилтнүүд Монголын хөлбөмбөгийн холбоотой хамтран “Барса академи”-ийн үйл ажиллагааг хөгжүүлэх, залуу тоглогчдын ур чадварыг сайжруулах, сургалтын арга зүйг Монголд нэвтрүүлэх чиглэлд санал солилцлоо.
Мөн цаашид хамтын ажиллагааг өргөжүүлэх хүрээнд Go Mongolia үндэсний брэндийн хүрээнд Барселона клубтэй хамтран Монгол Улсыг олон улсад сурталчлах чиглэлээр ярилцлаа.
