2024 оны арваннэгдүгээр сарын 14-ний өдрийн 12 ордын зурхайг танилцуулж байна.
Хонь: Хувийн амьдралдаа анхаарал хандуулах үе. Оюун санаагаа сайн төвлөрүүлэхийг од эрхэс танд зөвлөж байна. Зарим үед элдэв сөрөг санаа бодол төрөх хэдий ч эерэг энерги, эелдэг харилцаа хүрээлэн буй орчны уур амьсгалыг өөрчлөх болно. Үнэтэй худалдаа наймаа хийхэд тохиромжгүй.
Үхэр: Өмнө хийж дуусаагүй ажил ихэнх цагийг тань авах болно. Шинийг эрэлхийлэх, боломжийн төлөө өөрийгөө дайчлах чадвар өндөр байгаа тул ямар ч үед бууж өгөх хэрэггүй. Аливаа үйл явдалд мэргэн ухаан, тууштай зангаа алдахгүй байхыг зөвлөж байна. Ааш зан тань тогтворгүй байх цаг мөч тохиолдоно.
Ихэр: Таныг олон янзын сорилт хүлээж байна. Нэр алдар, эрх мэдэл хүмүүсийг хэрхэн өөрчилж байгааг ойр орчмоосоо олж харах болно. Анхаарал сэрэмжтэй бөгөөд өөртөө хяналттай бай. Нөхцөл байдлаас болоод үйл явдал ямар ч үед таны эсрэг эргэж болно. Хайр дурлалын адал явдал өрнөл ихтэй байна.
Мэлхий: Дотнын найз тань таны ажил амьдралд үнэлж баршгүй тус хүргэнэ. Үнэнч шударга нөхөрлөлд итгэж болно. Өөрийн болон ойр дотнын хүмүүсийн эрүүл мэндэд анхаарал хандуулахыг од эрхэс танд зөвлөж байна. Анхаарал болгоомжтой байснаар аливаа муу зүйлээс өөрийгөө хамгаална.
Арслан: Сонин содон, сонирхолтой үйл явдал өрнөх нь таныг шинэ зүйл рүү тэмүүлэхэд хүргэнэ. Одоогийн нөхцөл байдалдаа сэтгэл хангалуун бус байгаа нь хэн нэгний буруутай үйлдлээс болоогүй гэдгийг та санах хэрэгтэй. Уран бүтээлч xүмүүсийн ажлын үр дүнгийн өсөлт, бууралт нь цэвэр сэтгэл санааны байдлаас шалтгаалах тул хэрэггүй зүйлд хошуу дүрж, сэтгэл санаагаа хямраах хэрэггүй.
Охин: Мэргэжлийн ажил хэрэг таны хувийн ур чадварыг ихээхэн шаардах болно. Нэгэнт эхлүүлсэн ажил хэсэгтээ танд амралт, чөлөөт цаг өгөхгүй байх. Өөрийн үйлдэлдээ хянамгай, шүүмжлэлтэй хандахгүй бол алдааг тань отож байгаа муу санаатай хүний олз болж мэднэ. Сул тал, санамсаргүй алдааг тань буруугаар ашиглах болно. Гэр бүлийн асуудлаа албан ажилтай хутгах хэрэггүй.
Жинлүүр: Амьдралаас хэт ихийг шаардалгүй, өөрт оногдсон бүхэнд сэтгэл хангалуун бай. Уран сэтгэмж, ирээдүйн төсөөлөл тань урам зоригийг өгөх болно. Өөрийн авьяасаа бүтээлчээр ашиглах хэрэгтэй. Эрч хүч, сэтгэл санаагаа тогтвортой байлга. Бүтэлгүйтэл, залхуурлаас ангид байхыг хичээ. Хайртай хүндээ эвгүй муу үг хэлж гомдоох хэрэггүй.
Хилэнц: Өвөрмөц арга барилыг ажил хэрэгтээ ашиглахын тулд багагүй эсэргүүцэлтэй тулгарна. Гэвч хүндрэл бэрхшээлийг үл тоон зүтгэсэн хичээл зүтгэл тань талаар болохгүй. Ажлын байран дээр танд сайнаар нөлөөлөх эерэг өөрчлөлт ажиглагдана. Ганц бие хүмүүс найз нөхдийн хүрээллээс гарч чадахгүй бол одоогийн нөхцөл байдлаа өөрчлөхгүй байх. Гэхдээ ойр дотнын хүмүүсийнхээ нөмөр нөөлгөнд ганцаардлыг мэдрэхгүй байгаа бол амьдралаа өөрчлөх гэж бүү яар.
Нум: Анхаарал болгоомжтой байхгүй бол хэл аманд өртөх магадлал өндөр. Санхүүгийн алдагдал нь гаднын нөхцөл байдлаас нэлээд хамаарна. Нарийн чимхлүүр ажил цаг их авч, танаас хүчин чармайлт, хөлс хүч шаардаж байж үр дүнд хүрэх болно. Хөндлөнгөөс ирэх сөрөг нөлөөг өөртөө шингээж авах хэрэггүй. Хов жив танд сайн зүйл авчрахгүй.
Матар: Хувийн, ахуйн чанартай асуудлуудаа тэргүүн ээлжид тавих шаардлага гарч ирнэ. Энэ нь таны санааг ихээхэн зовоож, амар амгалан, ая тухтай байдлыг тань алдагдуулах магадлал өндөр байна. Хийж буй зүйлийнхээ үр дагаврыг сайтар тунгаан бод. Гарч ирэх асуудлуудаа яарч тэвдэлгүй алгуурхнаас зохицуулж чадваас бүх зүйл таны талд шийдвэрлэгдэх болно.
Хумх: Санхүүгийн амжилтад хүрэх, алдар нэр олох үндсэн тулгуур нь танил талын хүрээлэл байх магадлал өндөр байна. Олон хүчин зүйлээс болж та өөрт олдсон боломжоо барьж чадалгүй алдахад хүрнэ. Хувийн амьдралд тохиолдох асуудал, бэрхшээлдээ нухацтай хандахгүй бол ухаан санаагаа цэгцлээгүйгээс үүдэлтэй алдаа гаргаж магадгүй байна.
Загас: Үг үйлдлээ хянаж, хувийн сахилга баттай байх нь танд ашиг тусаа өгнө. Санаандгүй танилцсан хүнтэйгээ сайхан харилцааны эхлэлийг тавина. Эсрэг хүйстэнтэйгээ харилцахад таатай өдөр. Өөртөө сайн анхаарал тавьж, бусдын харааг булаах дүр төрх бүтээхийг хичээ. Харин хайр сэтгэлийн шинэ харилцаа нь шулуун дардан байхгүй шүү.
