Өнөөдөр буюу 2024 оны арваннэгдүгээр сарын 14-ний 18:00 цагийн байдлаар Завхан аймгийн Нөмрөг, Тосонцэнгэл, Их-Уул, Отгон сумдын нутгаар цас ихээр орсны улмаас замын зорчих хэсэгт халтиргаа, гулгаа үүссэн нөхцөл байдалтай байна. Мөн шуурсны улмаас Алдархаан сумын Ганцын давааны замын зорчих хэсэг хаагдаж тээврийн хэрэгсэл зорчих боломжгүй болсон байна.
Бусад сумдын нутгаар шороон шуургатай байгаа тул малчид, иргэд, тээвэрчид та бүхэн аюулгүй байдлаа хангаж, онцын шаардлагагүй тохиолдолд холын замд гарахгүй байх, бага насны хүүхдийг малд явуулахгүй байж учирч болзошгүй эрсдэлээс урьдчилан сэргийлэхийг сэрэмжлүүлж байна.
