Өнөөдөр “Чингис Хаан” Олон улсын нисэх буудал ирсэн явсан зорчигчид болон угтан үдсэн иргэдийн хөл хөдөлгөөн ихтэй хэвээр байна. “Чингис хаан” Олон улсын нисэх буудал дахь Гаалийн газар зорчигч үйлчлүүлэгчдэд зориулсан нээлттэй өдөрлөг зохион байгуулж хилээр нэвтрүүлэхийг завдсан эртний үнэт эдлэл болон бусад зүйлсийг нийтэд дэлгэн танилцууллаа. Гаалийн хяналт шалгалтын ажиллагаанд ямар багаж хэрэгсэл ашигладаг тухай иргэдэд танилцуулан тайлбарлаж сонирхсон бүхий л асуултад мэргэжлийн зүгээс тайлбар хариултыг өгч байсан юм.
Үүнтэй зэрэгцэн “Miss Universe 2024” тэмцээнд Монгол Улсаа төлөөлөн амжилттай оролцсон мисс З.Номинзул эх нутагтаа хүрэлцэн ирлээ.
Дубайг зорих Монголын тамирчдын цуваа үргэлжилсээр. Арванхоёрдугаар сарын 1-ний өдөр хүртэл Арабын Нэгдсэн Эмират Улсад үргэлжлэх Олон улсын гимнастикийн өсвөр насны тэмцээнд Монгол Улсаа төлөөлөн оролцох баг тамирчид, багш дасгалжуулагчид өнөөдөр мөн Дубайг зорилоо.
