АДМИН
Дэлхийн чансааны оноо олгох “Улаанбаатар опен” тэмцээний сонгомол бөхийн 97 кг-ын жинд Кыргызстаны бөх, “Парис-2024” олимпын наадмын хүрэлт медальт, Азийн АШТ-ий иж бүрэн медальтай Узер Жузупбеков түрүүлж, Энэтхэгийн тамирчин, Азийн АШТ-ий хүрэл медальтай Нитеш Нитеш үзүүрлэлээ.
Энэ жингийн хүрэл медалийн төлөөх барилдаанд Азийн АШТ болон Азийн наадмын хүрэл медальт, ОУХМ Г.Ганхуяг, залуучуудын ДАШТ-ий хүрэлтэй Б.Бат-Эрдэнэ нар оноолт таарч, хүч сорив.
Энэ барилдаанд Г.Ганхуяг 9:7 оноогоор өрсөлдөгчөө буулган авснаар ийнхүү Монголын багийн гурав дахь медалийг атгалаа.
Г.Ганхуяг үдээс өмнөх барилдаанд “Парис-2024” олимпын наадмын хүрэл медальтай Узер Жузупбековтой тэнцүүхэн өрсөлдөж, эхэлж зургаан оноо аван тэргүүлж явсан ч эцэст нь 10:6-гаар ялагдсан юм.
97 кг-ын дүн:
- Узер Жузупбеков (Кыргызстан)
- Нитеш Нитеш (Энэтхэг)
- Г.Ганхуяг (Монгол)
Тасалбарыг дараах холбоосоор захиалах боломжтой: https://ticket.mn/event/2632
18 хүртэлх насны хүүхэд болон өндөр настнуудад үнэ төлбөргүй.
|
Спорт
