АДМИН
“Улаанбаатар-2025” жүдо бөхийн Их дуулга тэмцээний сүүлийн өдрийн барилдаанууд эхэллээ. Өнөөдөр эрэгтэйчүүдийн 90, -100, +100 кг, эмэгтэйчүүдийн -78, +78 кг-ын барилдаанууд явагдах юм. Эрэгтэйчүүдийн 90 кг-д залуу тамирчин Ц.Дагвадорж Монголын бөхчүүдийн эхний ялалтыг аваад байна. Тэрбээр Азийн нээлттэй тэмцээний мөнгө, хүрэл медальт БНСУ-ын И Нам Хуныг цэвэр ялж, шөвгийн 16-д шалгарсан юм. Одоо манай бөх энэ жилийн Тбилисийн Их дуулгын аварга Узбекистаны Умар Бозоровтой барилдана. Ц.Дагвадоржийн хувьд энэ жил УАШТ-ээс хүрэл медаль хүртсэн бөгөөд Японд жүдогийн сургуульд суралцаж буй шилдэг залуу бөхчүүдийн нэг. Түүний төрсөн эгч нь 70 кг-ын Монгол Улсын аварга Ц.Энхчимэг юм.
|
Спорт
