Б.АМАРТҮВШИН
38 настайдаа Дэлхийн аваргын алтан медаль хүртэж, 2014, 2018, 2025 оны ДАШТ-нд шилдэг хамгаалагчаар нэрлэгдсэн Моника Де Женнаро шигшээ багтайгаа өнгөрүүлсэн 19 жилийн замналаа өндөрлүүллээ.
Тэрээр ДАШТ-ээс бусад бүх боломжит тэмцээнд түрүүлж байсан ч энэ удаад дутуугаа гүйцээж, шигшээ болон клубийн түвшинд авч үзээгүй цом үлдээгээгүй домогт тоглогч боллоо.
Түүний хүртсэн цом, медалийн жагсаалт үнэхээр гайхалтай:
-
Олимпын аварга
-
Дэлхийн аварга
-
Европын аварга
-
3xҮндэстнүүдийн лигийн аварга
-
3xАваргуудын лигийн аварга
-
3xКлубүүдийн дэлхийн аварга
Мөн оролцсон бүх тэмцээндээ “шилдэг тоглогчийн” шагнал хүртэж, Италийн шигшээ багийн түүхэнд хэзээ ч байгаагүй түүхэн амжилтын эзэн болжээ.
19 жилийн амжилтын замнал:
-
9 алт
-
4 мөнгө
-
3 хүрэл
Ийнхүү Италийн волейболын “гэрийн эзэгтэй” хэмээх Моника Де Женнаро спортын замналаа өндөрлүүлсэн бөгөөд тэрээр сүүлийн тэмцээндээ “гэрийн жинхэнэ босс хэн болох”-ыг нөхөртөө ч харуулсан талаар хошигножээ. Учир юу вэ гэвэл тэрээр нөхрийнхөө удирдсан Турк улсын шигшээ багийн эсрэг аварга цомын төлөө тоглож ялалт байгуулсан юм.
|
Спорт
