АДМИН
АНУ-ын Нью-Йорк хотод зохиогдсон олон улсын чөлөөт бөхийн тэмцээний 57 кг-ын жинд ОУХМ Б.Мөнх-эрдэнэ хүрэл, 61 кг-ын жинд МУГТ Э.Бэхбаяр мөнгө, 86 кг-д ОУХМ Т.Батбилгүүн хүрэл медаль тус тус хүртлээ.
Мөн энэхүү тэмцээнд шүүгчээр ОУ-ын 1-р зэрэглэлийн шүүгч, ҮШБ-ийн дасгалжуулагч Г.Амархүү ажиллалаа.
Тухайн тэмцээнтэй зэрэгцээд ОХУ-ын Москва хотноо зохион байгуулагдсан дэлхийн шилдгүүд чуулсан Поддубного лигт манай улсын хоёр шилдэг тамирчид болох МУГТ Т.Тулга, ОУХМ О.Сүлдхүү нар амжилттай оролцож өөрсдийн өрсөлдөгчид болох ОХУ-ын Дагестаны шилдэг тамирчдыг дараалан буулган авч эх орныхоо нэрийг өндөрт өргөлөө.
Т.Тулга, О.Сүлдхүү нарын хувьд Москва хотоос шууд АНУ-ыг зорин ҮШБ-ийн хамтарсан бэлтгэлүүдэд хамрагдаад ирэх юм.
|
Эх сурвалж
| Монголын Чөлөөт Бөхийн Холбоо
|
Спорт
