Б.АМАРТҮВШИН
Муайтай боксын Зүүн Азийн аварга шалгаруулах тэмцээн 2025 оны арванхоёрдугаар сарын 11-14-ний өдрүүдэд зохион байгуулагдаж, өндөрлөлөө. Тус тэмцээнд Монгол Улсын шигшээ багийн тамирчид бүрэн бүрэлдэхүүнээрээ оролцож, амжилттай өрсөлдсөн байна.
Тэмцээний дүнгээр эмэгтэйчүүдийн 45 кг-ын жинд Энхжин мөнгөн медаль, 48 кг-ын жинд Бадамцэцэг, 51 кг-ын жинд Ариун-Энх хүрэл медаль, 57 кг-ын жинд Ариунзаяа мөнгөн медаль, 60 кг-ын жинд Анужин алтан медаль хүртлээ.
Эрэгтэйчүүдийн ангилалд 48 кг-ын жинд Өнөболд хүрэл медаль, 54 кг-ын жинд Цогтгэрэл алтан медаль, 57 кг-ын жинд Амарсанаа алтан медаль, 60 кг-ын жинд Амгаланбаяр алтан медаль, 63.5 кг-ын жинд Адъяа хүрэл медаль, 67 кг-ын жинд Гантогтох алтан медаль, 71 кг-ын жинд Алтанбаяр алтан медаль тус тус хүртсэн байна.
Ингэснээр Монголын шигшээ баг нийт 6 алт, 2 мөнгө, 4 хүрэл медаль хүртэж, багийн амжилтаа бататгалаа. Шигшээ багийн тамирчид 2025 оны арванхоёрдугаар сарын 15-ны өдрийн 17.00 цагт Хонконгоос эх орондоо ирэх юм.
|
Спорт
