АДМИН
"Бишкек-2026" чөлөөт, сонгомол бөхийн Азийн АШТ-ий 68 кг-зодоглосон ДАШТ-ий мөнгөн медальт Э.Дэлгэрмаа хагас шигшээд Японы алдарт аваргатай хүч сорилоо.
Түүний өрсөлдөгч Мива Морикава 2022, 2025 онуудад Дэлхийн болон Азийн аваргад түрүүлсэн юм. Мөн тэрээр сүүлийн таван ДАШТ-ээс дараалан медаль хүртсэн бахдам амжилтын эзэн билээ.
Азийн АШТ-ий 68 кг-ын жинд анх удаагаа хүч сорьсон Морикава манай бөхийг 7:0 оноогоор дийлж, алтан медалийн төлөө барилдахаар шалгарав.
Харин ОУХМ Э.Дэлгэрмаа маргааш Казахстаны домогт бөх, "Бээжин-2008" олимпын наадмын хүрэл медальт, 2007, 2010 оны ДАШТ-ий мөнгө, 2009 оны ДАШТ-ий хүрэл медальт, Азийн хошой аварга, мөнхүү тэмцээний хошой мөнгө, хүрэл медальт, Азийн наадмын аварга Елена Шалыгинатай хүрэл медалийн төлөө барилдана.
|
Спорт
