АДМИН
Үндэсний бөхийн “Алтан цом” тэмцээний аваргын төлөөх шийдвэрлэх барилдаан ширүүн өрсөлдөөн дунд болж өндөрлөлөө. Улсын заан С.Сүхбат ахлагчтай “Хатант интернэйшнл” баг Улсын арслан Э.Батмагнай ахлагчтай “М-Си-Эс Энержи” багийг 14:11 харьцаатай буулган авч, энэ жилийн аваргаар тодорлоо.
Барилдаан эхнээсээ өндөр хэмнэлтэй өрнөж, хоёр баг оноо ээлжлэн авч байсан ч шийдвэрлэх мөчүүдэд “Хатант интернэйшнл” баг илүү тогтвортой барилдаж, ялалтыг баталгаажуулсан байна. Ийнхүү тэд “Алтан цом”-ын эзэн болж, тэмцээний хамгийн өндөр шагналыг хүртлээ.
М-Си-Эс Энержи багийн ахлагч, Улсын арслан Э.Батмагнай гурав дахь удаагийн "Алтан цом"-ын барилдааны хамгийн олон даваатай бөхөөр шалгарлаа.
Нийт 43 барилдаж 40 давсан амжилтаараа "Манлай бөх"-өөр тодорч байна.
|
Спорт
