АДМИН
Монгол Улсын Их хурлаас “Спортод допинг хэрэглэхийн эсрэг олон улсын конвенц”-д Монгол Улс нэгдсэн орсныг соёрхон батлах тухай” хуулийг 2007 онд баталсан. Ингэснээр тус конвенцын хэрэгжилтийг хангах хүрээнд 2017 онд батлагдсан Биеийн тамир, спортын тухай хуулийн дөрөвдүгээр бүлгийн 21 дүгээр зүйлд Допингийн эсрэг үйл ажиллагааг хуульчилж өгсөн.
Допингийн эсрэг төрийн бодлого нь тамирчдын эрүүл мэндийг хамгаалах, шударга өрсөлдөөнийг хангах, улс орны олон улсын нэр хүнд, байр суурийг хамгаалахад чухал үүрэгтэй. Тийм ч учраас 2024 оны Биеийн тамир, спортын тухайн хуулийн шинэчилсэн найруулгын тавдугаар бүлэгт бүхэлд нь допингийн эсрэг үйл ажиллагааны тухай зохицуулалтуудыг тусгасан.
Шинэчлэгдэн байгуулагдсан Допингийн эсрэг үндэсний зөвлөл 2025 онд дэлхийн допингийн эсрэг дүрэм, стандартын дагуу комисс байгуулж, допингийн эсрэг сургалт, сурталчилгааны ажлыг эрчимжүүлэх, допингийн эсрэг хөтөлбөрийг хэрэгжүүлэх зэрэг ажлуудыг хийхээр төлөвлөлөө.
|
Спорт
