МСБХ-ны Үндэсний Дээд Лигийн 30 жилийн ойн хүрээнд МСБХ, Монголын сагсан бөмбөгийн дасгалжуулагчдын холбоо, Сагсан бөмбөгийн тамирчдын Ирээдүй холбооноос сагсан бөмбөгийн хөгжилд үнэтэй хувь нэмрээ оруулсан хүндэт дасгалжуулагчдадаа хүндэтгэл үзүүллээ. Үүнд: МСБХ-ны анхны лигийн Азийн чоно багаар гараагаа эхэлж

• Угалзын цөөврүүд,
• Моносоник,
• Ажнайн Азарганууд,
• Худалдаа Үйлдвэрлэлийн Дээд сургуулийн Ирвэсүүд,
• Тавантолгой транс компанийн Ёлууд,
• Баянзүрх Буллс багуудын дасгалжуулагчаар тасралтгүй 20 жил ажиллаж Лигийн 4 удаагийн аварга, 4 удаагийн дэд аварга, Монгол улсын, Олон улсын сагсан бөмбөгийн холбооны итгэмжлэгдсэн анхны дасгалжуулагч, Монгол улсын шигшээ багийн дасгалжуулагч, Монгол улсын сагсан бөмбөгийн анхны ууган Гавьяат дасгалжуулагч Цэрэндондогийн Цэвэрбал,

МСБХ-ны анхны лигийн Генералууд багаас гараагаа эхэлж лигийн

• Баганат-Өргөө,
• Уурхайчин багуудын дасгалжуулагчаар ажиллан лигийн 2 дэд аварга, 3 хүрэл медалийг хүртэж байсан Монгол улсын шигшээ багийн дасгалжуулагч, Олон улсын сагсан бөмбөгийн холбооны итгэмжлэгдсэн дасгалжуулагч, Монгол улсын Гавьяат дасгалжуулагч Бадарчийн Дамба нарт хүндэтгэл үзүүллээ.