И.АМАРБАЯСГАЛАН
АНУ-ын Ерөнхийлөгч Дональд Трамп Хятадын технологийн компани "ByteDance-ийн TikTok" видео аппликейшнийг худалдан авах хэлэлцээрийг Хятадын тал хийнэ хэмээн найдаж байгаагаа өөрийн эзэмшдэг Truth Social сүлжээнд нийтэлжээ. Өнгөрсөн онд "АНУ" Tik Tok -ийг худалдан авах санал хүргүүлсэн ч ByteDance татгалзсан хариу өгсөн. Тиймээс Үндэсний аюулгүй байдлын үүднээс 2024 онд уг платформыг АНУ-д ашиглахыг хориглох шийдвэр гаргасан. АНУ-ын хүн амын тал орчим хувь нь TikTok ашигладаг бөгөөд энэ нь тус улсын хамгийн алдартай сошиал медиа платформуудын нэг юм. Тиймээс Трамп Ерөнхийлөгчийн суудалд суусан өдрөө АНУ-ын Конгрессоос баталсан хоригийг түр хугацаанд цуцлах шийдвэрт гарын үсэг зурсан. Зарим эх сурвалжуудын мэдээлээснээр Трамп лхагва гарагт бусад улс орнуудад харилцан татвар тогтоосны дараа Бээжин хэлэлцээрийг зогсоосон гэж мэдэгджээ. Харин Трамп "ByteDance"-тай тохиролцоонд хүрэхийн тулд дөрөвдүгээр сарын 10-наас эхлэх 54 хувьд хүрэх Хятадад ногдуулах гаалийн татварыг бууруулахад бэлэн байна гэж ээ.
|
Эх сурвалж
| ALJAZEERA
|
Гадаад
