И.АМАРБАЯСГАЛАН
АНУ-ын Ерөнхийлөгч Дональд Трамп Дэлхийн 180 гаруй улсад хамгийн багадаа 10 хувийн импортын суурь татвар ногдуулсан. Тэгвэл үүнтэй холбогдуулан Кремлийн төлөөлөгч Дмитрий Песков "Tass" агентлагт өгсөн ярилцлагадаа "АНУ, импортын татвар ногдуулсан орнуудын жагсаалтад Орос байхгүй. Учир нь бид АНУ-тай бодитой худалдаа хийдэггүй" хэмээн мэдэгджээ. АНУ-ын импортын тариф ашиг тустай байх магадлал багатай. Дэлхийн эдийн засаг эдгээр шийдвэрүүдэд маш их сэтгэл хөдлөлөөр хариу үйлдэл үзүүлж байна хэмээн нэмж дурджээ. Трампын уг шийдвэрийн хариу болгож Хятад улс дөрөвдүгээр сарын 10-наас эхлэн АНУ-ын бүх импортын бараа бүтээгдэхүүнд 34 хувийн нэмэгдэл татвар ногдуулж, тус улсын 11 аж ахуйн нэгжийг найдваргүй гэх хар жагсаалтад оруулан, газрын ховор элементийн экспортыг багасгах шийдвэрээ гаргажээ.
|
Эх сурвалж
| TASS
|
Гадаад
