Б.УУГАНБАЯР
2019.11.28 ПҮРЭВ ГАРАГ
ӨВЛИЙН ТЭРГҮҮН ХӨХӨГЧИН ГАХАЙ САРЫН
ХОЁР ХАР МЭНГЭТЭЙ ШАРАГЧИН МОГОЙ ӨДӨР
- Үс засуулбал: Хэл, ам, хэрүүл тэмцэл ирнэ
- Наран ургах, шингэх: 08.15-17.06
- Барилдлага: Үл зохилдох
- Шүтэн барилдлага: Өтлөх үхэхүй
- Суудал: Шороо
Аргын тооллын 11 сарын 28, Бархасвадь гараг. Билгийн тооллын 2, Гар одтой, шарагчин могой өдөр. Өдрийн наран 8 цаг 15 минутад мандан, 17 цаг 06 минутад жаргана. Тухайн өдөр тахиа жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба хараал, жатхыг буцаах, газар лусын зан үйл хийх, өр барагдуулах, буг дарах, газрын ам бооход сайн. Ургаа мод таслах,, байшингийн суурь тавих, угаал үйлдэхэд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун зүгт мөрөө гаргавал зохистой.
|
Нийгэм
