Б.УУГАНБАЯР
2016 онд нээлтээ хийж байсан “Train to Busan” аймшгийн, адал явдалт төрлийн кино нь Өмнөд Солонгосын кино ертөнцийн олон амжилтуудыг эвдээд зогсохгүй тухайн жилдээ “Box Office”-т 10 сая үзэгчтэй анхны Солонгос кино болсон юм. Уг кино дэлхий даяар 93,1 сая долларын ашиг олсон Өмнөд Солонгосын алдартай бүтээлүүдийн нэг юм. Тэгвэл киноны найруулагч Ён Сан У 2018 онд уг киноны хоёрдугаар ангийг хийнэ хэмээн мэдэгдэж байсан ч өмнөх жүжигчдээ дахин тоглуулах эсэх нь зөвхөн таамаг төдий байсан билээ. Эх орондоо төдийгүй дэлхийн кино урлагийн салбарт чамгүй өндөр амжилт үзүүлсэн Өмнөд Солонгосын уран бүтээлчдийн бүтээл “Train to Busan” киноны хоёрдугаар анги “Peninsula” кино ирэх онд дэлгэцнээ гарахаар болжээ.
Кинонд үхлийн вирус тээсэн зомбинуудтай тулалдах ба хоёрдугаар ангид ч мөн бяцхан охины дүр байгаа гэнэ шүү. Найруулагч Ён Сан Хогийн бүтээл уг кино нь 2020 оны наймдугаар сарын 12-ны өдөр нээлтээ хийх аж.
|
Нийгэм
