Б.УУГАНБАЯР
Завхан аймгийн Улиастай сумын хэмжээнд ажиллаж байгаа камеруудын тусламжтайгаар Улиастай, Алдархаан сум орчмын гэмт хэргийн гаралт буурчээ. Улиастай сум “Цахим хот” болох зорилтынхоо хүрээнд 47 цэгт 149 хяналтын камерыг суурилуулсан байна. Эдгээр камерууд нь сүүлийн үеийн дэвшилтэт технологиор хийсэн, 100-500 метр орчмыг татаж таних болон холдуулж ойртуулах хүчин чадалтай учир машины марк болон дугаар, хүний царай төрхийг тодруулж татах боломжтой. Тиймээс хулгай болон гэмт хэргийн шинж чанартай үйлдлүүдийг тухай бүр нь хянах, мөрдөх боломжтой юм. Камеруудын тусламжтайгаар 2018 онд гэхэд 50 гаруй зөрчил, гэмт хэргийг илрүүлээд байна. Энэ оны гэмт хэргийн илрүүлэлт ч сайн байгаа хэмээн мэдээллээ.
|
Нийгэм
