Дэлхий дахинд хурдацтай тархаж буй коронавирусийн аюулыг сануулах үүднээс телевизүүд “Ханиад”, ”Халдвар” зэрэг кинонуудыг үзэгчдийн хүртээл болгоод буй. Тэгвэл энэ удаад “Халдвар” киноны тухай зарим баримтыг уншигч та бүхэнд хүргэж байна.
“Хүн өдөрт дунджаар нүүрэндээ 2-3 мянган удаа хүрдэг" хэмээн халдварт өвчин хэрхэн хурдацтай тархдагийг “Contagion” буюу “Халдвар” кино сануулж эхэлдэг.
Мөн халдварт өвчин нэг тивээс нөгөө тив рүү дамжих нь зөвхөн хагас өдрийн ажил гэдгийг ухааруулах нь энэ гараг дэлхий халдварт өвчний хувьд хаалт, зааг үгүй юм гэдгийг илтгэнэ.
Энэхүү кино зөвхөн өвчин хэрхэн хурдан тархах бус хувь хүний араншинг үнэхээр тод томруун харуулж чадсан нь гайхалтай. Аюул тулгарахад хүн хэрхэн адгуусан араншингаа гаргадгийг дэлгүүр, эмийн сан дээрэмдэж, хүн хороож буйгаар харуулна. Гэхдээ муу муухайн дэргэд сайн сайхан сүлэлдэж байдгийг өөрийнхөө амийг умартаж, өөрийн вакцинаа бусдад өгч буйгаар харуулна.
Нэрт найруулагч Steven Soderbergh-ийн бүтээл “Contagion” буюу “Халдвар” хэмээх энэ кино дэлгэцнээ гарсан даруйдаа ашиг орлогоороо тэргүүлсэн билээ. Нэрт найруулагчийн энэхүү кинонд Холливудын алдарт жүжигчин Marion Cotillard, Matt Damon, Laurence Fishburne, Jude Law, Gwyneth Paltrow болон Kate Winslet нарын хэр баргийн кинонд үзэгдээд байдаггүй супер одод хамтран тоглосноороо онцлог аж. Найруулагч Steven Soderbergh сүүлийн үед жилд ганц удаа л нэлээн нүсэр уран бүтээл хийдэг болсон бөгөөд түүний нэрээр овоглосон кино нь энэхүү “Contagion” юм.
“Contagion” буюу “Халдвар” кино долоо хоногт 23,135,000 ам.долларын ашиг олжээ.
