Мөнгөн дэвсгэрт дээр 40,2 мянган бичил биет оршин байдаг судалгаа бий. Тиймээс коронавирусийн тархалтын үед аль болох бэлэн мөнгөөр тооцоо хийхээс татгалзах хэрэгтэй гэж ДЭМБ-аас зөвлөж байна. Оронд нь хавьтал үүсгэдэггүй гүйлгээ тооцооны хэлбэр буюу бэлэн бусаар тооцоо хийж, тооцоо хийсний дараа даруй гараа сайтар угаахыг ДЭМБ-аас зөвлөсөн байна.
Мөнгөн дэвсгэрт гүйлгээнд ашиглагдах хугацаандаа олон зуун, олон мянган хүний гар дамждаг тул үүнд бүх төрлийн хир буртаг, нян бактери ихээр хуримтлагддаг. Мэргэжилтнүүдийн хэлснээр, коронавирус нь шатны бариул, суултуурын ус татагч зэрэг хатуу гадаргуутай нэгэн адил мөнгөн тэмдэгтээр дамжин тархах боломжтой ажээ.
