1990 оны 12-р сарын 14-ний өдөр НҮБ-ын Ерөнхий Ассемблей 45/106- р тогтоолоор 10-р сарын 1-ийг Олон улсын ахмад настны өдөр болгон тэмдэглэхээр болжээ.
Уг баярыг анх удаа 1991 оны аравдугаар сарын 1-нд тэмдэглэж дэлхий нийтээр тэмдэглэж ирсэн байна. Монгол Улсын хэмжээнд 300 мянга гаруй ахмад настан бий. Өнөөдрийн хөгжилд хүрэхэд ахмадуудын оруулсан хувь нэмэр асар их билээ. Ахмадын баярын онцлох үйл явдал нь ахмад настнуудын нийгэмд оруулсан хувь нэмрийг үнэлэх явдал юм.
Олон улсын ахмад настны өдрийг тэмдэглэх нь ахмад настны сайн сайхан байдлын талаархи ойлголт, сэтгэл тэнүүн мэдрэмжийг бий болгох зорилгоор хийгддэг.
Хүмүүс энэхүү өдрийг өвөө эмээ нартайгаа хамт өнгөрөөх, өндөр настны гэр, ТББ-уудад зочлох, тэдэнд зориулж хоол хийх зэргээр тэмдэглэдэг.
Зарим хүүхдүүд энэ өдөр ахмад настандаа мэндчилгээний хуудас өгдөг ажээ. Ахмад буурлууддаа баярын мэнд хүргэж, эрүүл энх, урт удаан нас, хамгийн сайн сайхныг хүсье.
