АНУ-ын тэргүүн хатагтай Меланиа Трамп өнгөрсөн жил Цагаан ордны зул сарын чимэглэлээрээ цахим ертөнцөд шуугиулсан билээ. Учир нь хүмүүсийн анхаарлыг хамгийн ихээр татаж байгаа зүйл нь “цусан улаан” гацуур моднууд юм. Цагаан ордны зүүн жигүүрт 40 ширхэг улаан гацуурыг байрлуулсан төдийгүй бусад хэсгийн чимэглэлд ч улаан өнгийг ихээр ашигласан нь олон хүмүүсийн шүүмжлэлийг хүлээсэн билээ. Тухайлбал, ордны бусад хэсэгт нийт 23 гацуур модыг байрлуулсан бөгөөд тэднийг 14 мянган улаан өнгийн тоглоом, туузаар чимэглэсэн байна. АНУ-ын Ерөнхийлөгчийн тамган дээр байх улаан зурааснууд нь хүч чадал, эр зоригийг бэлгэддэг тул зул сарын чимэглэлийг ч бас улаан өнгөөр дагнах болсон хэмээн тэргүүн хатагтай тайлбарлаж байсныг Zogii.mn сайт эргэн санууллаа.
