Шинэ жилийн баяраар хүмүүсийн үзэх дуртай кинонуудыг яахын аргагүй “Гэртээ ганцаараа” кино тэргүүлдэг гэдэгтэй үзэгчид дуу нэгтэй санал нийлэх биз ээ.
Тэгвэл 1992 онд бүтээгдсэн уг кинонд АНУ-ын ерөнхийлөгч Дональд Трамп хальт гараад өнгөрдөг гэдгийг үзэгчид тэр бүр анзаардаггүй аж. Харин Трампын хувьд уг алдартай киноны нэгэн үзэгдэлд хальт ороод гардаг уг дүрдээ маш сэтгэл хангалуун байдаг аж. Тэрээр саяхан хилийн чанадад алба хааж буй цэргүүдтэйгээ видео хурал хийхдээ энэ тухай бахархан ярьжээ.
“Жил бүр энэ киног үзсэн хүүхдүүд надад таныг харлаа гэж хэлдэг. Энэ бол Зул сарын хит бүтээл, би оролцсондоо баяртай байдаг” гэж Трамп ярьжээ.
