Их Британийн агаарын тээврийн “EasyJet” компани хакеруудын халдлагад өртөн 9 сая орчим үйлчлүүлэгчийнхээ мэдээллийг алдсан байна. Мэдээллийн санд нь нэвтэрсэн хакерууд үйлчлүүлэгчдийнх нь цахим хаяг, аяллын мэдээлэл болон зорчигчидтой холбоотой бусад мэдээллийг хулгайлжээ.
Түүнчлэн гэмт этгээдүүд 2200 орчим үйлчлүүлэгчийн зээлийн картын мэдээллийг хулгайлсан байна. Компанийн удирдлагууд цахим залиланд өртөхөөс нь урьдчилан сэргийлэх зорилгоор мэдээлэл нь алдагдсан үйлчлүүлэгчидтэйгээ холбогдож, сануулж байгаа юм байна. Үйлчлүүлэгчдийнх нь хувийн мэдээллийг хууль бусаар ашигласан гэх ямар нэгэн хэрэг одоогоор бүртгэгдээгүй байгаа юм байна.
Эх сурвалж : ВВС
