Ойрын өдрүүдэд галын дуудлага маш их байгаа бөгөөд өнөөдөр буюу зургаадугаар сарын 16–ны өдөр 11.02 цагт Сүхбаатар дүүргийн 1-р хороо Хүүхдийн ордны замын урд талд шар өвс шатаж байна гэсэн дуудлага НОБГ-т ирсэн байна.
Дуудлагын дагуу Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн ээлжийн бүрэлдэхүүн ажиллаж байна гэж Онцгой байдлын ерөнхий газраас мэдээллээ. Түймэр дэгдсэн уг газрын талбай цэвэрлэгдээгүй өнжмөл өвс ихтэй бөгөөд гал түргэн хугацаанд маш их талбайг хамарч, гал унтраагчид нэлээд удаан хугацаанд ажилласан байна.
Уг гал түймэр хэн нэгний санамсар болгоомжгүй үйлдлээс болсон уу, эсвэл өнжмөл өвсөө шатаах гэж байгаад гал алдсан эсэхийг холбогдох албаны хүмүүс тодруулах болно.
