Өмнөд Солонгосын К-Поп урсгалын Top Secret буюу TST хамтлагийн гишүүн Ёхан 28 насандаа таалал төгсчээ. Эх сурвалжуудын мэдээлж буйгаар Ёхан өнгөрөгч Мягмар гаригт амиа алдсан бөгөөд түүний гэр бүлийн зүгээс хүүгийнхээ үхлийн шалтгааныг нууцлахыг хүссэн байна.
Ёханы жинхэнэ нэрийг Ким Жюн-Ван гэдэг байсан ба тэрээр анх 2017 онд KJ энтертайнмент компанитай гэрээ байгуулан TST хамтлагийн гишүүн болж байжээ.
KJ энтертайнмент компанийн зүгээс "Маш харамсалтай, уй гашуу дагуулсан мэдээг та бүхэнтэйгээ хуваалцаж байгаадаа харамсч байна. TST хамтлагийн гишүүн Ёхан энэ ертөнцөөс одлоо. Талийгаач Ёханы гэр бүл одоогоор асар их уй гашууд автаад байна" хэмээн мэдэгдэл гаргасан юм.
Сүүлийн үед Өмнөд Солонгос улсын к-поп одууд харамсалтайгаар амиа алдах хэрэг давтагдах болсон. 2017 онд SHINee хамтлагийн дуучин Жонхён амиа хорлосон бол өнгөрсөн онд дуучин, жүжигчин Гү Хара болон Солли нар мөн амиа хорлосон билээ.
Эдгээр оддуудын үхлийн шалтгааныг сонсогчид, шүтэн бишрэгчдээс нь ирэх олон тооны зүй бус агууллагатай цахим шуудан, захидал, илгээмж мөн үзэн ядагчдаас нь ирэх дарамт шахалтаас болж байна гэж үзжээ.
