Жолооч явган зорчигч руу зориуд ус цацахгүй байх үүрэгтэй. Хэрэв зөрчвөл хуулийн дагуу 100 мянган төгрөгөөр торгуулна.
Монгол Улсын Замын_хөдөлгөөний дүрмийн 1.3.-т “Замын хөдөлгөөнд оролцогч нь аюул, хохирол учруулахгүй, хөдөлгөөнд осолтой байдал бий болгохгүйгээр зорчино” гэж заасан байдаг тул жолооч нь бороотой үед замын зорчих хэсэгт тогтсон устай хэсгээр аль болох хурдаа хасч, зорчих хэсгийн хажуугийн явган хүний замаар яваа явган зорчигч руу тогтоол усыг санаатайгаар цацаж тэднийг айлгах цочоох, хувцас эд зүйлийг нь бохирдуулах зэргээр аюул, хохирол учруулахгүйгээр зорчих шаардлагатай юм.
Цагдаагийн хэлтэст гомдол гаргах буюу 102 дугаарт мэдээлэл өгөх, эсхүл тухайн жолоочийн авто-машины улсын дугаарын зургийг авч e-police “цахим цагдаад” илгээж мэдээлэл өгөх боломжтой.
Учир нь замын хөдөлгөөний дүрмийн 1.5.-т “Замын хөдөлгөөнд оролцогч нь энэ дүрмийн өөрт хамаарах заалт, шаардлагыг мэддэг, сахин биелүүлдэг байвал зохино”. Мөн дүрмийн 1.6.-т “Замын хөдөлгөөний дүрэм зөрчсөн этгээдэд холбогдох хууль тогтоомжийн дагуу хариуцлага хүлээлгэнэ” гэж заасны дагуу санаатайгаар явган зорчигч руу замын зорчих хэсэгт тогтсон усыг тойрч гарах, эсхүл хурд багатай аюул, осолтой байдал үүсгэхгүйгээр зорчих боломжтой байдал түүнийгээ биелүүлээгүй бол дээрх замын хөдөлгөөний дүрмийн 1.3-т заасныг зөрчсөн гэж үзэж Монгол Улсын Зөрчлийн тухай хуулийн 14.7.51.-т заасны дагуу “Жолооч замын хөдөлгөөний дүрэм зөрчиж бусдын эрүүл мэнд, эд хөрөнгөд хохирол учруулсан нь эрүүгийн хариуцлага хүлээлгэхээргүй бол хүнийг 100.000 төгрөгөөр торгоно” гэсэн хуулийн зохицуулалттай.
Явган зорчигч таныг замын хөдөлгөөнд оролцож байгаа жолооч машинаараа ус цацвал тэр даруй тухайн нутаг дэвсгэрийнх нь Цагдаагийн хэлтэст гомдол гаргах буюу 102 дугаарт мэдээлэл өгөх, эсхүл тухайн жолоочийн автомашины улсын дугаарын зургийг авч e-police “цахим цагдаад” илгээж мэдээлэл өгөх боломжтой.
Эх сурвалж: Тээврийн Цагдаагийн Алба
