Зүрхний эмч Б.Болдсайхан "Зүрх мартахгүй" төслийг 2020 оноос хэрэгжүүлж, 300 орчим хүүхдэд амьдрал бэлэглээд буй. Төслийн багийнхан энэ өдрүүдэд Сүхбаатар аймагт ажиллаж байна. Дөрвөн эмчийн бүрэлдэхүүнтэй ажиллаж буй баг зүрхний нарийн мэргэжлийн эмчид үзүүлэх оноштой, өмнө нь зүрхний мэс засалд орж байсан том хүн болон зүрхний олдмол болон төрөлхийн гажигтай, зүрхний цоорхойн шинж илэрч буй хүүхдэд зөвлөгөө өгч байна.
Б. Болдсайхан эмч зөвхөн хүүхэд үзэж зөвлөгөө өгч, шаардлагатай хүүхдэд хагалгаа төлөвлөж байна. Сүхбаатар аймгийн хэмжээнд зүрхний эмгэгтэй 308 том хүн 109 хүүхэд үзүүлэхээр төлөвлөж уг үзлэгт хамрагдаж байна.
