Германы Ерөнхийлөгч Франк-Вальтер Штайнмайер өнгөрсөн хугацаанд Оростой ойр дотно харилцаатай байсан тул түүнийг Киевт хүлээж авахыг хүсэхгүй байгаа гэдгийг хүлээн зөвшөөрсөн байна. Түүний ярьснаар Польш, Эстони, Литв, Латвийн удирдагчдын хамтаар Украины нийслэлд айлчилж, Европ даяар эв нэгдлээ илэрхийлэхийг хүссэн байна.
Өмнө нь Германы Bild хэвлэл Украины Ерөнхийлөгч Владимир Зеленский "Хойд урсгал-2" хийн хоолойг барихыг идэвхтэй дэмжиж байсан Штайнмайерыг нутагтаа хүлээн авахыг зөвшөөрөөгүй гэж мэдээлж байсан. Гэвч ирээдүйд ийм уулзалт болохыг Киев үгүйсгэсэнгүй. Германд суугаа Украины Элчин сайд Андрей Мельник Штайнмайерыг Москватай улс төрийн хувьд ойр байсан гэж буруутгасан.
Өнгөрсөн долоо хоногт шүүмжлэл дунд Германы ерөнхийлөгч "Хойд урсгал 2"-ыг хэрэгжүүлэх амлалтаа жинхэнэ алдаа байсан гэж нэрлэсэн. Тэрээр мөн "нуувчид суугаа дайныг өдөөгч" болсон Ерөнхийлөгч Владимир Путин засгийн эрхэнд байх үед ОХУ-тай харилцаагаа хэвийн болгох боломж байхгүй гэжээ.
Франк-Вальтер Штайнмайер ерөнхийлөгчийн албан тушаалаас өмнө Германы Гадаад хэргийн сайдаар хоёр удаа ажиллаж байсан. Түүнийг Германы Орост хандах найрсаг бодлогын архитектор гэж үздэг байна.
Эх сурвалж: euronews.com
