Украины Зэвсэгт хүчний ерөнхий командлагч Валерий Залужный арми хэд хэдэн чиглэлд сөрөг довтолгоог хийж эхэлсэн гэж мэдэгдсэн байна.
"Дайсны гол хүчин чармайлтыг Попасна, Кременная, Торскийн орчимд ширүүн тулалдаан үргэлжилж буй Луганскийн чиглэлд шилжүүлсэн, түүнчлэн Украины батлан хамгаалах хүчнийг Харьков, Изюм чиглэлийн эсрэг довтолгооны ажиллагаанд шилжүүллээ" гэж мэдэгдэлд дурджээ.
Үүнээс гадна Оросын арми далавчит пуужингаа дахин ашиглаж эхэлсэн тухай Залужный хэлжээ.
"Эдгээр үйл ажиллагааны гол зорилго нь Украинд цэрэг-техникийн тусламж нийлүүлэх ложистикийн замыг устгах явдал юм. Ийнхүү 5-р сарын 3-ны өдрийн турш дайснууд Каспийн тэнгисээс стратегийн бөмбөгдөгч ТУ-160-аас харвасан 14 далавчит пуужинг ашигласан байна. 5 сарын 4-ны оройн байдлаар манай нутаг дэвсгэрт 8 далавчит пуужин харвасан нь бүртгэгдсэн" гэж тэр нэмж хэлжээ.
Эх сурвалж: BBC Русская служба
