Тоглоом нь хүүхдийн оюун ухаан, уран сэтгэмжийг хөгжүүлэх, эрүүл, чийрэг, сэргэлэн цовоо өсөж, хүмүүжихэд чухал үүрэгтэй байдаг ч чанарын шаардлага хангаагүй тоглоом нь хүүхдийн эрүүл мэндэд сөрөг нөлөөтэй. Манай оронд хуванцраар хийсэн, чанаргүй, гарал үүсэл нь тодорхойгүй, будагтай тоглоомыг худалдаалсаар байна. Хүүхэд химийн бодисын нөлөөлөлд илүү өртөмтгий бөгөөд бага хэмжээний хортой бодис нь хүүхдийн өсөлт хөгжилд муугаар нөлөөлдөг байна.
