Польш улс Орос, Беларустай хиллэдэг хилийн орчим танкнаас хамгаалах нэмэлт бэхлэлт суурилуулж эхэлжээ. Энэ тухай тус улсын Үндэсний батлан хамгаалахын сайд Мариуш Блашчак пүрэв гарагт твиттер хуудсандаа мэдэгджээ.
“Бид Орос, Беларустай хиллэдэг хилийн аюулгүй байдлын арга хэмжээг урьдчилан сэргийлэх зорилгоор өргөжүүлж эхэлсэн. Энэ бол бидний батлан хамгаалах, урьдчилан сэргийлэх стратегийн нэг хэсэг юм. Калининград мужтай хиллэдэг хил дээр бэхлэлтийг хэдийн байрлуулж эхлээд байна " хэмээн дурдаж танкнаас хамгаалах зараа, зам дээр суурилуулсан бетон бэхлэлтийг харуулсан гэрэл зургуудыг хавсаргажээ.
Украинд Орос цэргийн ажиллагаа явуулж эхэлснээс хойш Польшийн эрх баригчид хилийн хамгаалалтыг сайжруулах төлөвлөгөөгөө удаа дараа зарласан. 2022 оны 6-р сард тус улсын Дотоод хэргийн сайд Мариуш Каминский Беларусын хил дээр 5 метрийн өндөртэй хашаа барих ажил дууссан гэж мэдэгдсэн. Польшийн хилийн алба 170 орчим км хашаа барьсан гэж мэдэгджээ. Хаалтны бүх уртын дагуу камер, хөдөлгөөн мэдрэгч зэрэг электрон хяналтын системийг суурилуулахаар төлөвлөсөн. Мөн 2022 оны арваннэгдүгээр сард Польш улс Калининград мужтай хиллэдэг хил дээр түр өргөстэй төмөр хашаа барьж эхэлжээ.
Эх сурвалж: РБК
