Камбожид арван нэгэн настай охин шувууны ханиадны улмаас нас барсан ба түүний аав мөн вирусээр халдварласан нь тогтоогдсон байна.
Охин 2-р сарын 16-нд халуурч, ханиалгаж, хоолой өвдөж өвдөж, Лхагва гарагт шувууны ханиадны H5N1 вирусээр нас барсан гэж Камбожийн эрүүл мэндийн яам мэдэгджээ. Пүрэв гарагт охины ойрын хавьтал болох 12 хүнээс дээж авчээ.
Түүний аав 49 настай шинжилгээнд хамрагдагсдын дунд эерэг хариу гарсан ганц хүн байсан ч шинж тэмдэггүй байсан гэж тэд нэмж хэлжээ.
Эрүүл мэндийн ажилтнууд халдварын эх үүсвэрийг хайж байна. Охины амьдардаг алслагдсан тосгоны ойролцоох нуураас зэрлэг шувууд үхсэн байдалтай олджээ.
Өвчин нь ихэвчлэн шувуунаас хүнд шууд харьцах замаар дамждаг байна. Дэлхийн эрүүл мэндийн байгууллага энэ сарын эхээр шувууны ханиад хөхтөн амьтдад илэрсний дараа сонор сэрэмжтэй байхыг уриалсан ч хүний хувьд эрсдэл бага байгааг онцолжээ.
Сүүлд хорин жилийн өмнө Камбож улсад анх хүнд илэрснээс хойш шувууны ханиадны 58 дахь тохиолдол болж бүртгэгдэж байна.
Европт 2021 оны сүүлчээс хойш шувууны томуугийн маш том дэгдэлт болж байна. Мөн Хойд болон Өмнөд Америкт ч дэгдэлт их байна. Дэлхий даяар H5N1-р халдварлагдсан олон арван сая гэрийн тэжээмэл шувууд устгагдсан.
Мөн уг дэгдэлт дэлхий дахинд олон арван мянган зэрлэг шувуудын үхэлд хүргэж байна. Үнэг, халиу, усны булга, далайн арслан, тэр ч байтугай саарал баавгай зэрэг олон хөхтөн амьтдын дунд өвчин илэрсэн нь хүмүүс илүү эрсдэлтэй байх вий гэсэн болгоомжлолыг төрүүлж байна.
ДЭМБ-ын мэдээлснээр 2003 оноос хойш дэлхий даяар 450 гаруй шувууны томуугийн нас баралтын тохиолдол бүртгэгдсэн байна.
Эх сурвалж: Channel News Asia
