Орчин цагийн Зэвсэгт хүчин үүсэн байгуулагдсаны 102 жил, цэргийн холбоо үүсэн байгуулагдсаны 102 жилийн ойг тохиолдуулан “Гар бөмбөг”, “Дартс”, “Ширээний теннис”, “Хийн буу”-ны тэмцээнийг 2023 оны 03 дугаар сарын 10-ны өдөр Зэвсэгт хүчний 013 дугаар ангийн байрлалд амжилттай зохион байгууллаа.
Тэмцээнд Зэвсэгт хүчний Жанжин штабын Холбоо, мэдээллийн технологийн хэлтэс, Хуурай замын цэргийн командлал, Агаарын цэргийн командлал, Тусгай хүчний цэргийн командлал, Кибер аюулгүй байдлын цэргийн командлал, Барилга-инженерийн цэргийн удирдах газар Үндэсний батлан хамгаалахын их сургууль, Зэвсэгт хүчний 013, 124, 189 дүгээр ангийн нийт 10 багийн 130 гаруй тамирчид хурд хүч, авхаалж самбаагаа сорьсон юм.
Тэмцээний багийн дүнгээр тэргүүн байрт хурандаа Ч.Эрдэнэболд захирагчтай баг /013 дугаар анги/, дэд байрт хурандаа З.Бадралт захирагчтай баг /Агаарын цэргийн командлал/, гутгаар байрт хурандаа Ч.Алтангэрэл захирагчтай баг /124 дүгээр анги/ тус тус шалгарч, бусдыгаа манлайллаа.
Тэмцээнд шагналт байруудад шалгарсан баг, тамирчдад шагнал гардуулсны дараа Зэвсэгт хүчний Жанжин штабын Холбоо, мэдээллийн технологийн хэлтсийн дарга хурандаа М.Золзаяа нийт баг, тамирчиддаа баяр хүргэж, ажлын амжилт хүсэн, тэмцээнийг амжилттай зохион байгуулж, бүх талын дэмжлэг үзүүлж ажилласан Зэвсэгт хүчний 013 дугаар ангийн захирагч хурандаа Ч.Эрдэнэболд, ангийн нийт бие бүрэлдэхүүнд талархсанаа илэрхийлэв.
