Төв аймгийн Сонгуулийн хороо зургадугаар сарын 2-ны өдөр буюу өнөөдөр санал авах жишиг байрандаа иргэд сонгогчид болон Зуунмод сумын сонгуулийн хороо, хэсгийн хорооны төлөөллийг оролцуулсан өдөрлөг зохион байгуулж байна.
Өдөрлөгөөр санал авах хэсгийн хорооны байрны тохижилт, иргэд сонгогчид санал өгөхдөө юуг анхаарах, туршилтаар 30 иргэнээс санал авч хяналтын тооллого хэрхэн хийдэг талаар үзүүлэх сургалт хийлээ. Энэхүү санал авах жишиг байр нь 6 сарын 25 хүртэл өдөр бүр иргэдэд нээлттэй ажиллах бөгөөд иргэд сонгогчдын сонгуульд идэвхтэй оролцох чухал ач холбогдолтой хэмээн үзэж буй юм.
