T-ara (Jiyeon, Eunjung, Hyomin, Qri) 15 жилийн ойгоо тэмдэглэхээр болжээ. Хамтлаг есдүгээр сард гадаадад фен уулзалтаа хийхээр дахин нэгдэж байна. Зургаадугаар сарын 13-ны өдөр Ten Asia сэтгүүлийн мэдээлснээр T-ara 15 жилийн ойн фен уулзалтаа Хонг Конг эсвэл Макаод хийхээр төлөвлөж буйгаа дурдсан байна.
2009 онд дебютээ хийсэн T-ara 15 дахь жилээ фенүүддээ зориулан шинэ профайл, концепцийн зураг бүтээх зэрэг төрөл бүрийн үйл ажиллагаанууд хийж байгаа юм. Jiyeon саяхан инстаграм хуудсандаа зүрхэн эможи бүхий T-ara-гийн зургийг нийтэлж, шуугиан тарьсан.
Eunjung одоогоор KBS1 TV-ийн "Suji & Uri" драмад Сүжигийн дүрд тоглож байгаа бол Jiyeon YouTube сувгаараа олон нийттэй идэвхтэй харилцаж бйна. Харин Qri, Hyomin нар нийгмийн сүлжээг идэвхтэй ашигласаар байна.
T-Ara 2013 онд Монголд тоглолтоо хийхдээ Төв цэнгэлдэх хүрээлэнд 20,000 гаруй үзэгчийг цуглуулж байсан юм. Үүгээрээ 2013 он хүртэл тоглолт дээрээ 20,000 гаран хүнийг цуглуулж чадсан анхны Кпоп охидын хамтлаг болж байсан түүхтэй.
Б.НАНДИН-ЭРДЭНЭ
