Эквадорт лхагва гарагт орон даяар цахилгаан тасарч, Өмнөд Америкийн 17 сая хүн цахилгаангүй болжээ.
Нийтийн дэд бүтцийн сайд Роберто Луке лхагва гарагт болсон хэвлэлийн бага хурал дээр "Өнөөдрийн манайд гарсан тасалдал нь засвар үйлчилгээ, шинэ цахилгаан дамжуулалт, цахилгаан дамжуулах дэд бүтцийг хамгаалахад хөрөнгө оруулалт хийгдээгүйтэй холбоотой" гэж мэдэгдэв. Лхагва гарагийн шөнө нийт нутгийн 95 хувьд эрчим хүч сэргэсэн гэж Засгийн газраас мэдээллээ.
Эквадор олон жилийн турш эрчим хүчний хямралтай тэмцэж байна. Хамгийн сүүлд Эквадорын Ерөнхийлөгч Даниэль Нобоа дөрөвдүгээр сард эрчим хүчний онц байдал зарлаж, эрчим хүчний үйлдвэрлэлд нөлөөлсөн ган гачигт орон даяар цахилгаан эрчим хүчийг найман цагийн турш хязгаарлах тушаал гаргасан байна.
Нийслэл Кито хотод гэрэл тасрах үеэр хоёр эмнэлэг, тэр дундаа хүүхдийн эрүүл мэндийн төв цахилгаан нь тасарчээ. Лхагва гарагт цахилгаан тасарсан нь өнгөрсөн дөрөвдүгээр сард болсон тус улсын эрчим хүчний хямралтай холбоогүй гэж Луке хэлэв.
"Дөрөвдүгээр сард манайд гарсан тасалдал нь шинэ (цахилгаан) үйлдвэрлэлд хөрөнгө оруулалт дутмаг, бидэнд байгаа нөөц бололцоогоороо (цахилгаан) засвар үйлчилгээ хийсэнтэй холбоотой" гэж Луке мэдэгджээ.
Эх сурвалж: edition.cnn.com
Б.НАНДИН-ЭРДЭНЭ
