Зэрлэг Танг дэлхийн хамгийн царай муутай нохойн уралдааны ялагчаар тодорчээ. Жил бүр зохиогддог Дэлхийн хамгийн муухай нохой шалгаруулах уралдаан баасан гарагт Калифорниа мужийн Петалума хотын Сонома-Марины үзэсгэлэнд болжээ.
Тус тэмцээнд найман настай Зэрлэг Танг гэх нэртэй Бээжин хав түрүүлжээ. Зэрлэг Танг нохой тус тэмцээнд өмнө нь таван удаа оролцож байсан ба 2022, 2023 онуудад хоёрдугаар байранд орж байсан юм. Зэрлэг Тангийн эзэн нохойгоо эрүүл мэндийн шалтгаанаас нь болж хаяж чадаагүй ба үргэлж хайрладаг аж. Тэмцээний ялагчид 5 мянган ам.долларын шагнал авсан байна. Дэлхийн хамгийн царай муутай нохой шалгаруулах тэмцээн нь оролцогч нохдыг гаднах үзэмжээр нь дооглох бус бүх ноход чухал гэдгийг онцлох зорилготой. Гаднах үзэмжээс нь үл хамааран амьтны эрүүл, аз жаргалтай оршин тогтнох боломжтойг сурталчлахын тулд тус тэмцээн сүүлийн 50 жил зохион байгуулагдаж буй. Тэмцээний хоёрдугаар байранд 14 настай Паг үүлдрийн Ром орсон бол гуравдугаар байранд Дэйзи нэртэй нохой оржээ.
Эх сурвалж: edition.cnn.com
Б.НАНДИН-ЭРДЭНЭ
