38 настай дуучин Лэйди Гага удаан үерхсэн найз залуу Майкл Поланскитай сүй тавьсан байна. Тэрээр үүнийгээ 2024 оны Парисын Олимпын үеэр Францийн ерөнхий сайд Габриел Атталд хэлжээ. Түүний найз залуу Майкл Полански нь хувийн бизнес эрхэлдэг, хөрөнгө оруулагч хүн юм.
Лэйди Гага өмнө нь Кристиан Каринотай сүй тавьж байсан. Тэд хоёр жилийн дараа салцгаасан. Мөн 2015 онд Тайлор Киннитэй сүй тавьсан боловч мөн дараагийн жил нь сүйгээ цуцалж байжээ.
Гага, Полански хоёрын романтик харилцаа 2020 оноос эхэлсэн байна. Тэдний Лас Вегаст шинэ жилийн үдэшлэг дээр үнсэлцэж буй зураг гарснаас хойш хэдэн долоо хоногийн дараа тэд 2020 оны Super Bowl -ийн үеэр харилцаагаа олон нийтэд ил болгосон.
