Оросын шоронд хоригдож байсан Украины сэтгүүлч нас барсан хэмээн пүрэв гарагт албаны хүмүүс мэдэгдэв.
Энэ сард 28 нас хүрсэн Викториа Рощина Украины хэвлэл мэдээллийн "Украинская правда", "Хромадске радио" болон АНУ-аас санхүүжүүлдэг "Либерти" радиод бие даасан сурвалжилга хийдэг байсан.
Рощина 2014 онд Орос Украины хойгийг өөртөө нэгтгэж, Украины зүүн хэсгийн бүс нутгийг Оросын хөрөнгө оруулалттай салан тусгаарлагчдын мэдэлд авсны дараах Крымын амьдралын тухай тод томруун нийтлэлүүд бичиж байжээ.
Тэрээр мөн 2022 оны 2-р сард Москва Украин руу бүрэн хэмжээний дайралт хийсний дараа Мариуполь боомтыг бараг гурван сарын турш хэрхэн хамгаалж байсан талаар баримтжуулсан аж.
Олон улсын байгууллагуудын мэдэгдэж буйгаар, дайны нөхцөл байдлын талаар мэдээлж байсан дор хаяж 17 сэтгүүлч амиа алдсан байна.
Рощинаг нас барсныг цэргийн олзлогсдын эрх ашгийг хамгаалах байгууллагын хэвлэлийн ажилтан Петро Яценко телевизээр зарлав. Тэрээр мэдэгдэлдээ, түүний үхлийн нөхцөл байдал одоогоор тодорхойгүй байна гэв.
Эх сурвалж: reuters.com
