Узбекистан улсын Ташкент хотод энэ оны оны арваннэгдүгээр сарын 2-8-ны өдрүүдэд зохион байгуулагдсан Олон улсын таеквондогийн “Дэлхийн цомын аварга” шалгаруулах тэмцээнд Мэдээлэл, дүн шинжилгээ, шуурхай удирдлагын албаны ахлах мэргэжилтэн, цагдаагийн ахмад Н.Энхнаран ганцаарчилсан болон багийн төрөлд өрсөлдөж, хос алтан медаль хүртэж, 30 орноос III байрт шалгарчээ.
Ийнхүү Мэдээлэл, дүн шинжилгээ, шуурхай удирдлагын албанаас цагдаагийн ахмад Н.Энхнаранд хүндэтгэл үзүүлэх үйл ажиллагаа өнөөдөр /2024.11.14/ ёслол төгөлдөр боллоо.
Олон улсын мастер, цагдаагийн ахмад Н.Энхнаран нь анх 2011 онд цагдаагийн байгууллагад томилогдож, 13 дахь жилдээ ажиллаж байгаа юм.
