Нийслэлийн Засаг даргын орлогч А.Амартүвшин агаарын бохирдлыг бууруулах асуудлаар сэтгүүлчдэд өгсөн мэдээлэлдээ, гэр хорооллын иргэдэд зуух тараах төлөвлөгөөний талаар мэдээлсэн бөгөөд энэ шийдвэрийн талаар шинэ байр суурь илэрхийллээ. Тэрбээр, анх агаарын бохирдлыг бууруулах хүрээнд гэр хорооллын иргэдэд зуух тараах ажил хэрэгжүүлэхээр төлөвлөсөн ч иргэд болон зарим гишүүдийн саналаар уг ажил зогссон гэдгийг хэлэв.
Түүнчлэн, уг ажилд зарцуулах байсан 28.3 тэрбум төгрөгийг нийслэл хотыг газтай холбох ажилд зарцуулахаар шийдвэрлэсэн гэдгийг А.Амартүвшин ярилаа. Газны хэрэглээг нэвтрүүлэхэд гурван төрлөөр хамруулах бөгөөд монгол гэрийн хэмжээний 20-25 мкв, байшингийн 50, 100, 150 мкв-ийн ангилалд хамруулан туршилт хийхээр төлөвлөжээ. Тэрбээр, энэ онд газ татах дэд бүтцийг байгуулах ажлыг эхлүүлэх бөгөөд энэ нь агаарын бохирдлыг бууруулах шинэ алхам болохыг онцолсон.
Зуух тараах нь зөвхөн агаарын бохирдлыг бууруулах биш, харин угаартах эрсдлийг бууруулах зорилготой байсан гэдгийг А.Амартүвшин тайлбарлав. Тиймээс зуух тараах ажлыг зогсоох шийдвэр гаргаснаар агаарын бохирдлыг бууруулах талаар шинэ арга хэмжээ авч хэрэгжүүлэх болсон нь тэргүүлэх чиглэл болж байна.
Мөн, Тавантолгой түлшийн сайжруулсан шахмал түлшинд ашигладаг мидлингийг хэрэглэхээ больж, Эрдэнэс Тавантолгой компанийн 0-давхрагын түлшийг хэрэглээнд оруулах шийдвэр гаргасан тухай мэдээллээ. Ирэх жилийн өвөл гэхэд Эрдэнэс Тавантолгой компанийн 5-10 см хэмжээтэй бүхэл нүүрсийг хэрэглээнд нэвтрүүлж, иргэдэд сонголттой түлшийг санал болгохоор төлөвлөж байна. Мөн нунтаг нүүрс буюу барьцалдуулсан түлшний хэрэглээг сонголтоор иргэдэд нэвтрүүлэх юм.
Энэхүү шинэчлэлтүүд нь агаарын бохирдлыг бууруулах, угаартах эрсдлийг багасгах, түлшний хэрэглээг хямд, үр ашигтай болгох зорилготой бөгөөд ирэх жилүүдэд амжилттай хэрэгжих боломжтой гэж үзэж байна.
