Б.УУГАНБАЯР
Болливудын нэрт нэрт жүжигчин Сушант Сингх Ражпут Мумбай дахь гэртээ нас барсан байдалтайгаар олдсон байна. Энэ жил 34 настай түүнийг амиа хорлосон байж болзошгүй хэмээн үзэж байгаа юм байна.
“Untold Story” кинонд крикетийн өнөө цагийн Энэтхэгийн алдарт тоглогч Махендра Сингх Донигийн дүрийг бүтээж дэлхийд танигдсан тэрээр кино урлагаас гадна телевизийн салбарт хүч үзэн чамгүй амжилт гаргасан нэгэн юм.
Энэтхэгийн Ерөнхий Сайд Нарендра Моди нэрт жүжигчнийг цэл залуухан насандаа таалал төгссөн явдалд гүнээ харамсаж байгаагаа илэрхийлсэн байна.
Ражпут өөрийнхөө менежерийг нас барснаас хэдхэн хоногийн дараа ийнхүү таалал төгсөөд байна. Түүний менежерээр ажиллаж байсан 28 настай Диша Салиан өнгөрсөн 7 хоногийн эхээр Мумбай хотод барилгын 14 давхраас унаж амиа алдаж байжээ.
Инстаграмд 10,2 сая дагагчтай тэрээр хамгийн сүүлд 6-р сарын 3-нд 2002 онд таалал төгссөн ээжийнхээ зургийг инстаграмдаа тавьж байжээ.
Эх сурвалж: ВВС
|
Урлаг соёл
