Монголын сагсан бөмбөгийн залуу тамирчин Ш.Энхийн-Од (Mike Sharavjamts) 2026 оны NBA-гийн драфтад нэрээ өгч, урьдчилсан шатны багуудын бэлтгэлүүдэд амжилттай оролцжээ.

Тэрээр өнгөрсөн улиралд NBA-ийн хэд хэдэн багийн драфтын өмнөх бэлтгэл, сорилтод хамрагдсан бөгөөд дор дурдсан багуудад очиж тоглолтын чадвараа сорьсон байна. Үүнд:

• Eastern Conference

  • Milwaukee Bucks

  • Orlando Magic

• Western Conference

  • Los Angeles Lakers

  • Dallas Mavericks

  • Memphis Grizzlies

ДРАФТЫН НӨХЦӨЛ БАЙДАЛ

2026 оны NBA-гийн драфтад нийт 71 “Early Entry” буюу хугацаанаасаа өмнө нэрээ өгсөн тоглогч бүртгүүлснээс 31 нь нэрээ үлдээж, 40 нь татгалзсан байна. Энэ нь сүүлийн жилүүдтэй харьцуулахад мэдэгдэхүйц бага үзүүлэлт болжээ.

Судлаачдын үзэж буйгаар NCAA-ийн (NCAA) оюутан тамирчид цалин, орлого олох боломж нэмэгдсэнтэй холбоотойгоор NBA руу эрт “эрсдэлтэй шилжилт” хийх хандлага буурсан гэж тайлбарлаж байна.

Ш.Энхийн-Одын аав Ц.Шаравжамц хэлэхдээ хүү нь сүүлийн бэлтгэл болох Memphis Grizzlies-ийн сорилтод оролцож байгааг онцлоод:

“Сайхан зүйл бодож ерөөгөөрэй. Монголчуудын билгийн хүч их шүү.”

хэмээн олон нийтэд ханджээ.

ТҮҮНИЙ АМЖИЛТУУД

• NCAA Division I-д тэтгэлэгтэй тоглосон анхны Монгол тамирчин

• 2022–2023 онд Dayton Flyers багт тоглож, A-10 бүсийн All Rookie First Team-д багтсан

• NCAA Division I-д 1000 онооны босгыг давсан анхны Монгол тоглогч

• “Mongolian Mike” нэрээр АНУ-д танигдсан

• Сан Франциско Доныс багийн эсрэг ялалт байгуулсан тоглолтод оролцсон

• NCAA Division I All-Star 2026-д нэрлэгдсэн

• NCAA улирлуудын турш статистик нь тогтмол өссөн үзүүлэлттэй

Ш.Энхийн-Од нь ирээдүйд NBA-д тоглох магадлалтай залуу тамирчдын нэгээр нэрлэгдэж, драфтын эцсийн шийдвэрийг спортын мэргэжилтнүүд “өндөр өрсөлдөөнтэй, таамаглахад хэцүү” гэж тодорхойлж байна.