Монгол Улс 2026 онд дэлхийн хамгийн хямд өртөгтэй аялал жуулчлалын газруудын 5 дугаар байрт шалгарлаа.

Олон улсын аяллын судалгааны байгууллагуудын гаргасан шинэ тайлангаар 2026 онд аялагчдад хамгийн ээлтэй, зардал багатай болон хамгийн тансаг, өндөр өртөгтэй орнуудын жагсаалтыг зарлалаа. Уг жагсаалтыг гаргахдаа тухайн улсад хоногтоо зарцуулах байр, хоол, дотоод тээвэр болон үзвэр үйлчилгээний дундаж зардлыг (олон улсын нислэгийн тийзийг оролцуулалгүйгээр) тооцсон байна.

Хамгийн хямд өртөгтэй ТОП 5 улс

Дэлхийн хэмжээнд хамгийн бага төсвөөр аялах боломжтой орнуудыг Ази болон Африкийн улсууд тэргүүлжээ. 

1. Лаос – Хоногийн дундаж төсөв: $15 (Зүүн Өмнөд Азийн хамгийн хямд орон хэвээр үлдлээ)

2. Казахстан – Хоногийн дундаж төсөв: $19

3. Руанда – Хоногийн дундаж төсөв: $21

4. Гана – Хоногийн дундаж төсөв: $22

5. Монгол Улс – Хоногийн дундаж төсөв: $24 (Төв Азийн бүс нутагт хамгийн сонирхолтой бөгөөд хямд зардлаар аялах боломжтой цэгээр нэрлэгдэв).

Хамгийн өндөр өртөгтэй ТОП 5 улс

Хамгийн өндөр зардалтай орнуудын жагсаалтыг Карибын тэнгисийн арлын орнууд болон тансаг зэрэглэлийн амралтын бүсүүд тэргүүлж байна.

1. Барбадос – Хоногийн дундаж төсөв: $330

2. Антигуа ба Барбуда – Хоногийн дундаж төсөв: $310

3. Сент-Китс ба Невис – Хоногийн дундаж төсөв: $271

4. Мальдив – Хоногийн дундаж төсөв: $267

5. Гренада – Хоногийн дундаж төсөв: $258
   
   

(Европын орнуудаас Швейцарь улс хоногийн $250 долларын зардлаар жагсаалтын 6-д орж хамгийн үнэтэй хэвээр байна)

Монгол Улсын үзүүлэлт: Монгол улсад нэг жуулчин хоногт дунджаар 24 ам.доллар (ойролцоогоор 80,000 гаруй төгрөг) зарцуулж байгаа нь үүргэвчтэй болон төсөвт аялагчдад (Backpackers) маш том боломж юм. Гэсэн хэдий ч практик дээр Монголын орон нутгийн тээвэр (4х4 автомашин түрээс) болон алслагдсан жуулчны баазуудын үнэ хотынхоосоо өндөр байдгийг аялагчид анхаарах хэрэгтэй гэж Budget Your Trip платформ дурджээ.

Дэлхийн хамгийн үнэтэй аялалтай орон (Барбадос - $330) болон хамгийн хямд орны (Лаос - $15) хоорондын үнийн зөрүү даруй 22 дахин байна.